హైదరాబాద్, వెలుగు : బొగ్గుగనుల తవ్వకాల్లో వందేండ్ల అనుభవం ఉన్న సింగరేణి ఇకపై స్టేట్ దాటి బొగ్గు వెలికితీయనుంది. ఇంతకాలం రాష్ట్రంలోని ఆరు సింగరేణి ఏరియాల్లోనే బొగ్గు ఉత్పత్తిని కొనసాగించిన సంస్థ.. మరికొన్ని నెలల్లో ఒడిశాలోని నైనీ బొగ్గుగనుల్లో తన పనులు ప్రారంభించనుంది. వచ్చే సెప్టెంబర్‌‌‌‌లోనే నైనీ కోల్‌‌‌‌బ్లాక్‌‌‌‌లో నుంచి బొగ్గు ఉత్పత్తి చేయాలని సింగరేణి టార్గెట్గా పెట్టుకుంది. నైని బొగ్గుగని ఒడిశాలోని అంగూల్‌ జిల్లాలోని చెండిపడాలో ఉంది. ఈ బ్లాక్లో అపారమైన బొగ్గు నిక్షేపాలును సింగరేణి దక్కించుకుంది.
నైనీ బ్లాక్లో సబ్‌ బిట్యుమినస్‌ రకానికి చెంది బొగ్గు లభించనుంది. అత్యంత నాణ్యమై ఈ బ్లాక్‌‌‌‌ను సింగరేణి దక్కించుకుంది. ఏటా కోటి టన్నుల బొగ్గు ఉత్పత్తే లక్ష్యంగా ఈ ఓపెన్కాస్ట్ మైన్ను ప్రారంభించనుంది. ఇదే మైన్ లో దాదాపు 340 మిలియన్‌ టన్నుల బొగ్గు నిల్వలు ఉన్నట్లు సింగరేణి గుర్తించింది. ఈ బ్లాక్‌‌‌‌కు 2021లోనే కేంద్ర పర్యావరణ మంత్రిత్వశాఖ అనుమతి ఇచ్చింది. రూ.491 కోట్ల అంచనా వ్యయంతో ఈ ప్రాజెక్టును చేపట్టగా, ఇప్పటికే రూ. 491 కోట్లు ఖర్చు అయ్యాయని సింగరేణి వర్గాలు పేర్కొంటున్నాయి.
ఈ బొగ్గంతా జైపూర్ థర్మల్ ప్లాంట్కే
బొగ్గు ఉత్పత్తితో పాటు ఇటీవలి కాలంలో సింగరేణి పలు ప్రత్యామ్నాయ మార్గాలను అన్వేషిస్తోంది. దీంట్లో భాగంగా కొత్తగా 800 మెగావాట్లతో మరో థర్మల్ ప్లాంట్ను నిర్మించడానికి సన్నాహాలు చేస్తోంది. ఇందులో భాగంగా సోలార్‌ విద్యుత్తు ఉత్పత్తి కేంద్రాలను నెలకొల్పుతున్నది. అయితే నైనీ కోల్‌ బ్లాక్లో వెలికితీసిన బొగ్గును కేంద్రం ఆదేశాల మేరకు పూర్తిగా సింగరేణి సంస్థ వాడుకోనుంది. సింగరేణి నిర్వహిస్తున్న థర్మల్ పవర్‌ ప్లాంట్లల్లో విద్యుత్తు ఉత్పత్తికే ఈ బొగ్గును వాడుకోనున్నారు.
ఇప్పటికే జైపూర్‌‌‌‌లో కొనసాగుతున్న 1200 మెగావాట్లతో పాటు కొత్తగా కట్టే మరో థర్మల్ ప్లాంట్ను నిర్మించడానికి సన్నాహాలు చేస్తోంది. కొత్త థర్మల్ ప్లాంట్కు నైనీ బ్లాక్‌‌‌‌లోని బొగ్గును వినియోగిస్తారు. అలాగే సూపర్ క్రిటికల్ థర్మల్ ప్లాంట్ ప్రాజెక్ట్‌ కోసం 2,253 ఎకరాల భూమిని సింగరేణి లీజుకు తీసుకోనుంది. దీంట్లో 1934 ఎకరాల్లో ఫారెస్ట్ భూములు ఉన్నాయి.. మరో మిగతా భూమి నాన్ ఫారెస్ట్ భూమిని సేకరించాల్సి ఉంది. బొగ్గు రవాణాకు వీలుగా ప్రత్యేక రైల్వే కారిడార్‌‌‌‌ను ఏర్పాటు చేయనున్నారు.
